ምስሎቹ በህውሃት ሃይሎች ተመተው የወደቁ ድሮኖችን ያሳያሉ?

Avatar: Rehobot Ayalew
ርሆቦት አያሌው, ኪሩቤል ተስፋዬነሐሴ 21 ፣ 2013
HAQCHECK
ምስሎቹ በህውሃት ሃይሎች ተመተው የወደቁ ድሮኖችን ያሳያሉ?

አንድ የትዊተር ገጽ በሰኔ 20 ፣ 2013 ዓ.ም ባጋራው ትዊት (የትዊተር ልጥፍ) በአማራ ክልል አከባቢ ተመተው የወደቁ ወታደራዊ ድሮኖች ስለመኖራቸው ሁለት ምስሎችን አያይዞ ልጥፏል። ከምስሎቹ ጋር ተያይዞ የተጻፈው ጽሁፉ “ከትግራይ ሀይሎች ባገኘውት መረጃ መሰረት የፌደራሉ መንግስት ሲጠቀምባቸው የነበሩ ድሮኖች በአማራ ክልል የግጭት ቀጠና ውስጥ በህውሀት ሃይሎች ተሞቶ ወድቋል” ሲል ይነበባል።

የትዊተር መረጃውም ይህ ጽሁፍ እስከተጻፈበት ጊዜ ድረስ ከ 375 ጊዜ በላይ ተጋርቷል። ሀቅቼክ መረጃውን መርምሮ ሀሰት ብሎታል።

ከህዳር 2012 ዓ.ም ጀምሮ በፌደራል መንግስቱ እና በሕውሃት ሀይሎች መካከል ወራት ያስቆጠረ ግጭት እየተካሄደ ነው። ጦርነቱ የጀመረው ትግራይ በሚገኘው የሰሜን ዕዝ ወታደራዊ ካምፕ ላይ ህወሀት ጥቃት ከፈጸመ በኋላ እንደሆነ የፌደራል መንግስቱ ተናግሯል። በግጨቱም ሂደት፤ የአየር ሀይሉ በዘመናዊ ድሮኖች (ሰው አልባ አውሮፕላኖች) ብቃት ያለው መሆኑን፤ እነዚህ ድሮኖችም በጦርነቱ ላይ ጥቅም ላይ እየዋሉ እንደሆኑ ከፍተኛ የመከላከያ ባለስልጣናት በተለያዩ ጊዜያት አሳውቀዋል። 

ሆኖም ሪቨርስ ኢሜጅ የተባለው የምስል ማጣሪያ እንደሚያሳየው ምስሎቹ አሁን በሰሜኑ የኢትዮጵያ ክፍል ካለው ወቅታዊ ሁኔታ ጋር ምንም ግንኙነት የላቸውም።

የመጀመሪያው ምስል ለመጀመሪያ ጊዜ የተጋራው ጥቅምት 10 ፣ 2013 ዓ.ም ሲሆን ምስሉ የሚያሳየው በአርሳክ ጦር አማካኝነት ጥቃት የደረሰበትን የቱርክ ሰው አልባ አውሮፕላን ነው። ምስሉ የተወሰደው በ2012 ዓ.ም በነበረው በናጎርኖ-ካራባክ ጦርነት ወቅት እንደሆነ ተገልፁአል።

 ትክክለኛ ምስል 1

ሁለተኛው ምስል ለመጀመሪያ ጊዜ የተጋራው ሃምሌ ፣ 9 2012 ዓ.ም ሲሆን ምስሉ የሚያሳየው በአዘርባጃን እና በአርሜንያ መካከል በነበረው ጦርነት በሃገራቱ ሰሜናዊ ድንበር አካባቢ በአዘርባጃን ጦር ተመቶ የወደቀ የአርሜንያ ድሮን ነው።

ትክክለኛ ምስል 2

ስለሆነም የትዊተር ልጥፉ በሕውሃት ሃይሎች ተሞቶ የወደቀን የኢትዮጵያ ድሮን የማያሳይ በመሆኑ ሀቅቼክ መረጃውን ሀሰት ብሎታል።    

               

Author: undefined undefined
ጦማሪርሆቦት አያሌው

Rehobot is an enthusiastic, proactive & ethical young woman, who is a lead fact-checker at HaqCheck, Addis Zeybe & its CSO partner Inform Africa. She is a graduate of Economics from Ambo University. She loves volunteering in community services & aspires to make the world a better place in whatever she does.

Author: undefined undefined
ጦማሪኪሩቤል ተስፋዬ

kirubel has a BSC degree in Hydraulic and water resources engineering from Gondar university and he is currently working as a fact-checker in Addis Zeybe.